గుండె బరువెక్కిందంటూ హీరో నాని ఎమోషనల్ పోస్ట్.. కారణం అదేనా?

దిశ, సినిమా: టాలీవుడ్ హీరో నాని ముందుగా అసిస్టెంట్‌ డైరెక్టర్‌గా ఇండస్ట్రీకి ఎంట్రీ ఇచ్చాడు. ఆ తర్వాత అష్టాచమ్మా సినిమాతో హీరోగా ప్రేక్షకుల ముందుకు వచ్చాడు. పలు చిత్రాల్లో నటించి హిట్స్‌ను తన ఖాతాలో వేసుకొని న్యాచురల్‌ స్టార్‌గా గుర్తింపు తెచ్చుకున్నాడు. ఇక ఇటీవల నాని నటించిన రెండు సినిమాలు దసరా, హాయ్ నాన్న, బ్లాక్ బస్టర్ హిట్ అయ్యాయి. ఇక నాని కెరీర్‌లో బిగ్గెస్ట్ హిట్‌గా నిలిచిన చిత్రం మాత్రం జెర్సీ అనడంలో అతిశయోక్తి లేదు. ఈ మూవీ 2019 లో వచ్చి బ్లాక్ బస్టర్ అందుకోవడంతో పాటుగా ఎన్నో అవార్డులు గెలుచుకుంది.

అయితే ఈ మూవీ రిలీజ్ అయి ఐదు ఏళ్లు పూర్తి చేసుకున్న సందర్భంగా.. పలు చోట్ల జెర్సీ స్పెషల్ షోస్ వేశారు. దీంతో నాని ట్విట్టర్ వేదికగా ఎమోషనల్ పోస్ట్ షేర్ చేశాడు. ‘‘ఈరోజు అర్జున్ ప్రయాణం నుండి ఉపశమనం పొంది మళ్లీ వీడ్కోలు చెప్పడానికి ఆకాశం నుండి తిరిగి వచ్చినట్లు అనిపించింది. గుండె బరువెక్కింది.. నిండిపోయింది’’ అంటూ రాసుకొచ్చాడు. ప్రస్తుతం నాని పోస్ట్ నెట్టింట వైరల్ అవుతోంది. కాగా, నాని ప్రస్తుతం ‘సరిపోదా శనివారం’ అనే సినిమా చేస్తున్నాడు. దీనిని వివేక్ ఆత్రేమ తెరకెక్కిస్తున్నాడు.

Today it felt like Arjun came back from the skies to relive the journey and say farewell again.
Heart is heavy and full ♥️#5YearsOfJersey #JerseySpecialShows

— Hi Nani (@NameisNani) April 20, 2024